යන  ඥාතිවරුන්ය.

ඒ හැර දැනට ගම්මඩු පූජා උත්සව පවත්වාගෙන නව දේවාල කමිටුව විසින්ද මහඟු සේවාවන් රැසක් සිදු කර දේවාලය රැක ඇත. තවද මේ දේවාලයේ යාග හෝම ශාන්ති පවත්වමින් ගම්පැලැස්සට සේවයක් කරමින් එච්. ජී. මෙන්ඩිස් ( පොඩි කපු පත්තිනි ඥාතිවරයා), දේවාලයේ භාරකාරත්වය ගෙන කටයුතු කරති. එසේම මෙම දේවාලයේ ගම්මඩු  යාග පවත්වා දේව මහා  දානයක්ද පවත්වති. දහස් ගණන් ජනතාව ඇතුළු ළමා ලපටින්ට පේබත්, කිරිබත්, බත්, ව‍‍යංජන‍ සමඟ දානය පිරිනමන එකම ස්ථානය මෙය වේ.

එසේම මෙම දේවාලයේ අතිරේක පේබත් දානමය කටයුතු කළ හදිසියේ මියගිය දේව බැතිමතෙකු වූ අඹවලගේ නිමල් සෝමසිරි ඥාතියාට නිවන් සුව පතමු. 

පත්තිනි දේව මාතාව සීනිගම වෙරළේ මැවූ ගිනි වැට හත සීනිගමට ගොඩ බැසීමට එන පිරිවර කවුදෝ යන සැක සහිත නිසා, සැක සහිත අයට ඒමට නොහැකි වන ලෙස ගිනි වැට මවා ඇත. 

ඒ හැර තම සහෝදරයන් නම් ඔවුන් හත් දෙනාට තමන් ඉන්නා තොටුපොල දැනගැනීම සඳහා ගිනි වැට හත මැව්වා යැයිද පිළිගත හැක.

“දයාලු සංතෘෂ්ටියෙන් සිත – සමාධි කරගෙන විටින්                              විට

සදාලු තම සොයුරු සත් කට්ටුවට – රන් ඔරුවලින් එන්                        නට

මවාලූ ගිනි වැට හතෙන් තම -වෙසෙන තොටුපළ බැහැ දකින්                 නට

වදාළු සක් දෙවිඳු වරමින්  – වරන් දුනි, පති දෙවි ළඳුන්                        හට”

ඒ බව පුරාණයේ සඳහන් ඉහත කවියෙන්ද සඳහන්වේ. 

සීනිගමට ගොඩබැසී මේ දෙවොල් සත් කට්ටුව ලක් දිව් තලයේ එක් එක් දිශාවල වැඩසිට ඇත.